Summary
Keywords
Full Transcript
أساسيات الباترون 1-يعني ايه باترون كلمة باترون هي كلمه فرنسيه أصلا والمقابل الانجليزي بتاعها هو Pattern والاتنين بالعربي معناهم نمط أو نموذج . يعني معناه اننا بنعمل نموذج للملابس و النموذج ده بيكون عباره عن رسم هندسي رسم الباترون معتمد زي التصميم بالظبط على الخيال و من هنا بتيجي صعوبة الباترون خصوصا في البدايه وده اللي بيخلي ناس كتير تقفل منه او تستصعبه بس ده عشان محدش بيشرحه ليهم صح الهدوم اللي بنلبسها في الواقع ثلاثية الابعاد يعني 3D يعني طول و عرض و عمق لكن عشان نرسمها على ورق احنا محتاجين نتخيلها 2D يعني طول وعرض بس طريقة التخيل دي مش حاجه مخك بيعملها كده في العادي دي حاجه بتيجي مع التدريب وانت مش بس محتاج تتخيل شكل الهدوم وهي ببعدين بس انت كمان محتاج تتخيل كل قطعه لوحدها بتفاصيلها و تكون كمان قادر تتخيل القطع دي هتتجمع ازاي مع بعضها في النهايه عشان تديك الموديل اللي انت عايزه مجرد ما مخك بيتمرج انه يفكر بالطريقه دي خلاص تقدر تنفذ أي موديل بتشوفه لكن كل ده بيحصل مع الوقت والتدريب 2-الباترون الاساسي ده الأساس اللي بنبني عليه اي موديل..زي كده لو هنبني عماره مثلا لازم بنبني العمدان الاول بيبقى في باترون اساسي للجسم و باترون اساسي للكم وواحد للبنطلون وواحد للجوب وهكذا وبيكون في باترون اساسي للامام وواحد تاني للخلف وعادة بنرسم الباترون الاساسي ده لربع الجسم فقط..وده للتسهيل طالما الموديل مفيهوش لعب ..يعني لو احنا بنعمل تيشرت ساده عادي جدا لو قسمنا التيشرت كده بالنص هنلاقي ان الناحيتين زي بعض بالظبط وكذلك الخلف طيب ايه اللي يخليني ارسمه مرتين ما انا ارسم نص الامام بس و نص الخلف بس في البدايه بنتعلم الاساس ده كويس قوي ونطبقه كتير لحد ما نتمكن منه و بعد كده نبتدي نتعلم ازاي نلعب بيه بقى عشان ننفذ اشكال موديلات مختلفه 3-مكونات الباترون زي ما قولنا الباترون هو رسم هندسي يعني في ارقام يعني في حسابات والارقام والحسابات دي كل ما كانت دقيقه كل ما الباترون هيطلع مظبوط وبالتالي اللبس هيطلع مظبوط طيب ايه الارقام دي هي مقاسات الجسم ودي طبعا بتتاخد بطريقه معينه هنتكلم عنها في حلقه منفصله لكن برضه جسم الانسان ثلاثي الابعاد ازاي احول المقاسات اللي اخدتها دي لارقام اقدر ارسم بيها رسمه 2D بس هنا بقى بنحتاج نعمل شوية حسابات وهي سهله وبسيطه و بمجرد ما بتعرفها خلاص بتبقى بديهيات بعد كده 4-خطوات الباترون - أخذ المقاسات - الحسابات - رسم الباترون الاساسي - اضافة البنس - اضافة اي قصات - شف الباترون و قفل البنس وفتح القصات - التثبيت على القماش - القص - نقل الباترون على ورق مقوى للاحتفاظ بيه الحلقة الجايه ان شاء الله هقولكوا على الادوات اللي هنحتاجها لرسم الباترون عشان تجهزوها و بعد كده نبدأ على طول نطبق سوا Facebook Page: https://www.facebook.com/pearl.image.... Instagram Account: https://www.instagram.com/pearl_image Music Permission: http://hyperurl.co/qiixes
Continue this lesson in the app
Install CourseHive on Android or iOS to keep learning while you move.
